Гостување во Италија

Карневалисти од средните училишта Никола Карев и Димитар Влахов како и од карневалските групи Струмички викинзи и групата на Цветко Багажовски, предводени од членовите на Одборот за организација на Струмичкиот карневал, Александар Цицимов и Ване Ристов изминатиов викенд го претставуваа Струмичкиот карневал на Карневал Веронезе во Лугагнано, Верона во Италија. На карневалот покрај струмичките и бројните групи од околината на Верона,  Венеција и други италијански градови, како гости настапија и карневалски групи од Германија, Русија, Србија и Хрватска. За време на посетата покрај успешната презентација на струмичкиот карневал, струмичките карневалисти имаа можност  да ги посетат и Верона, езерото Гарда и Венеција.