Во периодот од 26 до 28 јуни 2026 година, три карневалски групи кои се дел од големото семејство на Струмичкиот карневал успешно го претставуваа нашиот карневал и градот Струмица на Меѓународниот карневал во Бела Црква, Република Србија.Со своите креативни маски, богатата кореографија и препознатливата карневалска енергија, ООУ „Сандо Масев“ – Струмица, ООУ „Видое Подгорец“ – Струмица и Здружението „Фолкорна низа“, оставија одличен впечаток пред бројната публика и учесниците од повеќе земји, уште еднаш потврдувајќи дека Струмичкиот карневал е достоен претставник на долгогодишната карневалска традиција.
Упатуваме искрени честитки и благодарност до сите учесници, ментори, наставници и организатори кои со својата посветеност придонесуваат за афирмација на Струмичкиот карневал и промоција на Струмица на меѓународната карневалска сцена.
Продолжуваме заедно да ја негуваме карневалската традиција и да ги шириме духот, креативноста и пријателството преку карневалите ширум светот.
Струмички карневал е традиција, креативност и пријателство без граници